Интро за Рената Карајанова
Здраво, јас сум Рената, алумни студент на академијата за Software Testing, инаку дипломиран економист по Е-Бизнис на Економски факултет. Голем љубител на добри книги, моментално во процес на градење на домашна библиотека 😊
Што те мотивираше да се запишеш на академијата за Software Testing на СЕДЦ?
Кога решив дека сакам да направам промена во кариерата, Software Testing беше првата работа која ме привлече бидејќи нуди многу интересна и предизвикувачка кариера, имаш простор за креативност и иновација, постојано учење и развој. За СЕДЦ имав слушнато многу позитивни коментари, програмата им беше многу добро организирана, па мојот избор беше лесен.
Дали имаше некакво познавање од IT сферата, пред да ја запишеш академијата?
Минимални. Претходното работно место ми беше од областа на финансии и администрација, па познавањата од IT сферата би рекла дека ми беа минимални пред да се запишам на академијата.
Дали си тим мануелно или автоматско тестирање?
Баланс меѓу двете 😊 Двата типа на тестирање – мануелно и автоматско се применливи во различни случаи во зависност од различни фактори – буџет, барањата и структурата на проектот, достапни ресурси и време, и не се меѓусебно исклучиви, туку треба внимателно да се одбере кога мануелно, а кога автоматско тестирање.
И двете, секој за својата намена.
Со кои предизвици се соочи во текот на академијата?
Работата на реален проект на самиот крај на академијата би рекла дека ми беше најголем предизвик. Работевме во тим со колеги од останатите академии, и тогаш за прв пат добиваш чувство како би изгледала работата во еден тим составен од девелопери, дизајнери, тестери.. Комуникацијата и тимската работа од почетокот до крајот на проектот беше голем предизвик и едно многу убаво искуство за мене.
Организацијата на времето е предизвик исто така. Во тој период имав работа со полно работно време, после кое брзав да стигнам на предавања, а по предавањата мораш да најдеш време да ги завршиш зададените домашни задачи и да научиш нешто повеќе за темата.
Каков совет би им дал/а на оние кои сакаат да се запишат на оваа академија?
За сите оние кои се двоумат дали да започнат кариера во Software Testing, го препорачувам како навистина интересна област, со многу можности и ве охрабрувам да го направите тој следен чекор. Верувајте во себе и доколку вложите доволно време и труд, верувам дека ќе ви се исплати.
Креирај ја и ти својата успешна приказна преку академијата за софтвер тестинг!
Уписите за новата група се во тек, започнуваме на 20 ноември!
